Вторник , Октябрь 16 2018
Վերջին լուրեր

Վարչապետի այսօրվա երեւանյան զբոսանքը. զվարճալի միջադեպեր

Այսօր Արամ Մանուկյանի արձանի բացումից հետո վարչապետ Նիկոլ Փաշինյանը ոտքով քայլելով հասավ մինչև «Քաղաքացիական պայմանագիր» կուսակցության գրասենյակ: Armeniasputnik-ի լրագրողը նկատել է, թե ինչպես է Ամիրյան փողոցում անսպասելիորեն վարչապետին մոտեցել մի տղամարդ ու տարօրինակ խնդրանք հայտնել։

«Հոպա՛ր, մեզ ատոմային ռումբ է պետք»։ Տղամարդուն հաջողվել է ծիծաղեցնել վարչապետին, սակայն վերջինս չի պատասխանել նրան: Նիկոլ Փաշինյանի թիկնապահների հարցին, թե ինչի համար է քաղաքացուն ատոմային ռումբ հարկավոր, տղամարդը խառը պատասխան է տվել, սակայն կցկտուր արտահայտություններից դատելով` վերջինիս նպատակն է եղել վրեժ լուծել թուրքերից։

Նշենք, որ Արամ Մանուկյանի արձանի բացման արարողությունից հետո քաղաքացիների ամբողջ ուշադրությունը սեւեռված էր միայն ու միայն Նիկոլ Փաշինյանի վրա: Վարչապետին տեսնելիս շատերն էին ուրախությունից բղավում ու էմոցիոնալ վարք դրսեւորում:

Ճանապարհին Փաշինյանին քաղաքացիների բազմություն էր շրջապատել, նրանք բոլորը ցանկանում էին վարչապետի հետ սելֆի անել։ Հանրապետության հրապարակ կայարանի մոտ մի խումբ կանանց վերջապես հաջողվեց սելֆի անել Նիկոլ Փաշինյանի հետ: Նրանք բղավում էին` մեռնեմ ջանիդ:

ՀՀ վարչապետ Նիկոլ Փաշինյանը հայ հասարակության շրջանում աննախադեպ սեր է վայելում։ Նա հաճախակի է քաղաքացիների հետ շփվելու առիթ ունենում եւ հնարավորության դեպքում երբեմն զբոսնում է քաղաքի փողոցներով, ճիշտ է` թիկնապահների ուղեկցությամբ։


Комментарии:

Добавить комментарий

Ваш e-mail не будет опубликован. Обязательные поля помечены *